Caya G.F.Betico Croes – Diamars mainta algo pasa di 10:30 informacion a drenta na warda di polis cu un persona lo a ricibi un baseball bat den cabes y esaki tawata sangra hopi.
E caso aki lo a sosode tegenover di e edificio unda antes tawata Bon Bini Bazaar.
Mesora polis a bay un barbershop unda cu pafo y na e glas paden tawata tin basta sanger.
Na e momento eynan polisnan no tawata sa mucho bon kiko tur a sosode.
Paden di e establecimiento nan a topa cu e cabayero cu tawata tin un kap na cabes y esaki a sangra hopi.
A pidi pa un ambulance tambe, mirando cu e persona tawata sangra y e mester ayudo medico.
Loke nan por a saca afo ta cu aparentemente lo ta trata di un problema pasional.
Segun version di e homber herida, lo a start un discusion na e luga y cu e la slip cay dal su cabes na rand di un vloer.
Paramediconan cu e yega e sitio a trate pero no a bay cu ne Hospital.
Nan a pone verband rond di su cabes y por a mire sali cana bay y tawata bastante rabia di loke a pase.
