Malohistraat, Pos Chikito: Diaranson algo despues di 9’or di mainta, a sosode un accidente basta fuerte entre un Nissan March y un Kia Rio. Mesora a pidi pa presencia di polis y ambulance.
Mesora polis di trafico a yega na e sitio y a cera e caminda pa asina cuminsa cu e investigacionnan necesario.
Polis a tuma tur datos y a bin compronde cu Nissan March tabata biniendo for di pariba y a bay lora na su man robes, net na momento cu e la bay lora, e kia rio cu tabata biniendo su tras no a regula su velocidad na tempo y a dal tras di e Nissan March. E impacto tabata asina fuerte cu e Nissan March a dal contra un cura di cas y e dos persona den e March a keda herida, un di e heridonan tabata keha di hopi dolor na su lomba.
Dos ambulance a presenta na e sitio pa asina duna asistencia medico y despues a dicidi pa transportanan pa hospital pa un control medico mas avansa. Ambos auto a haya hopi daño material.
