Caya Frere Laurentius – Diamars merdia algo pasa di 1:30 patrouille di Playa controlando banda di EPB Hato a nota un Nissan March sospecho.
E vehiculo aki tawata para altura di e snack conoci pazuid di e scol. Manera cu esnan den e auto a mira patrouille nan reaction tawata di move for di eybanda mesora.
Aki mas cu claro e agentenan atento a bay nan tras y a logra paranan poco mas pazuid, net tawata drentando Caya Frere Laurentius.
Den e vehiculo tawata tin tres persona.
Polisnan a sigui protocol y bay over pa controla e plachi number, di cual no tawata cuadra y e chauffeur no por a mustra ningun documento valido di e vehiculo.
Mirando cu esnan den e auto tawata haci straño e sgundo paso a bira pa controla e vehiculo.
Aki tawata unda polisnan a canta bingo.
Durante e ristamento a bin haya un tas cu droga, placa y un cuchiu.
Aki polisnan a detene tur persona y a pidi pa un transportwagen.
Pues tres hoben a wordo deteni y hiba warda, unda cu nan lo bay wordo cuestiona ariba e droga y placa haya den e auto.
Ta mustra den direccion cu probablemente nan ta core rond bende/deliver droga.
Takelwagen a wordo pidi pa bay cu e auto pa mas investigacion.
