Un caso di abuso, den cual un mucha di 5 aña lo a conta cu e lo a wordo mishi/molestia na un caminda inapropia, segun e criatura “e la wordo mishi pa un mucha meneer” esaki lo a sosode na un speelschool den Madiki Kavel. Denuncia a wordo haci, e mama sosteni pa Lisette Gomez ta canando su caminda y investigacion ta andando.
Madiki Kavel: Recientemente den un otro medio di comunicacion, a sali publica un articulo den cual tabata splica cu un mama cu lo debe un creche y segun e medio aki, pa motibo cu e mama lo no por a paga, e mama lo a bay haci un denuncia contra e propietario(nan) di e creche pa abuso cometi cu su yiu. Segun e mama un miembro di famia di e propietario ta traha na e mesun Medio di Comunicacion cual ta 24 ora y lo a uza e medio aki pa defende e negoshi di creche di su famia.
Durante un conferencia di prensa teni pa e mama di e mucha y tambe Lisette Gomes di e Fundacion ‘Mi voz ta bo voz”.
Señora Lisette Gomes a splica cu nan main focus ta e criatura, pa por soluciona e problema y yudando e señora mama cana su caminda.
E mama a splica cu for di comienzo di aña escolar su yiunan a cuminsa bay e creche aki, paso e ta un mama soltero, su casa a fayece y ta su so ta criando su yiunan.
Segun e mama memey di januari 2021, e la nota cambio di comportacion di su yiu. Despues e yiu a conta cu e lo a wordo mishi of molestia pa “un mucha meneer”, asina e la describi e abusado. E mama a spanta y prome cos cu e la haci ta stop di hiba su yiunan e speelschool aki. E Señora a bay mesora polis y despues a hiba su yiu dokter di cas. Aki e la haya un carta y cu esaki e la bay haci denuncia di e abuso cometi cu su yiu. E mama a wordo conseha pa kita su yiunan di biaha for di e speelschool aki, tambe segun e mama e la avisa e scol di locual a pasa cu su yiu.
E mama a sigui splica, cu e creche niun dia a tuma esaki na serio, nan interes tabata unicamente pa haya e pago di e 11 dianan cu e muchanan a bay e scol aki na Januari. Segun e mama e doño di e creche a yama su yiu di 5 aña pa gañado. E mama a haya un cita cu un pediatra cu ta specialisa pa atende cu casonan di abuso di mucha.
Segun e mama algun dia pasa na su pia di su trabou, e lo a wordo menasa pa e doño di e creche, e muhe a bin busca su placa y busca problema. E la keda haci problema cu e intencion pa e doño di trabou kita e mama for di trabou, pero e doño na banda di e mama y a bisa a doño di e creche pa e bay pafo.
Despues di un rato e yiu homber kende ta un fotografo di 24ora a yega y e tambe lo bin cobra y a bisa cu e lo pone e caso aki riba riba 24 ora. Despues cu e yiu homber a bay no tabata basta, e yiu muhe di e doño di creche tambe a presenta na trabou di e señora. Esaki a bira di mas y e mama di e victima a bay entrega keho di menasa contra e tres personanan aki.
Segun e mama d e criatura, e la bay como 5 biaha caba Polis, e proceso lo mester ta canando su caminda, e investigacion ta andando.
Segun nos a compronde di Sra. Lisette Gomez, cu mayoria biaha ta dificil pa prueba abuso di mucha, ta e mucha ta conta kiko nan a haci cu ne. E problema ta den corte mester tin prueba pa por condena un hende y no ta tur ora tin prueba.
Pesey Lisette Gomez ta boga pa traha riba prevencion, mester bin 100% prevencion pa nos muchanan, mester papia cu e muchanan. Mayoria di casonan cu pasa awe no ta yega polis mesora, lo dura lunanan largo, pero e heridanan fisico causa na e victimanan ta cura y no tin e prueba mas.
Durante e conferencia e mama di e criatura a mustra un envelop cu lo ta funciona como un cobransa di cual e creche ta cobrando su persona 300 florin pa e 11 dianan di Januari y tambe 70 florin di Sinterklaas. Segun e mama nan ta paga cash y nunca ta haya recibo. No tin recibo oficial, e ta paga tur luna 500 florin cash sin por declara esaki .