Cunucu Abou/ Tumba – Diaranson atardi den oranan di 4’or un atraco arma lo a tuma luga den un di e cayanan pariba di Citgo Sasaki, pa ta exacto Tumba.
Un atraco poco confuso mester bisa. Segun por a compronde na e sitio, e persona atraca lo a palabra pa bende 2 Iphone nobo.
Lo a palabra den un caya pariba di Citgo Sasaki y aki cos a bay robes.
E persona cu tawata esun interesa den e Iphone nan a presenta cu un arma di candela y a kita ambos cellular y core bay desaparece.
E victima mesora lo a reacciona y a subi su auto bay den direccion unda e ta pensa cu e atracador a core bay.
Autoridad a yega basta lihe den area y a cuminsa tira bista ariba informcion cu nan a haya di e descripcion. Lo ta trata di un persona color scur bisti cu un jacket posiblemente di train.
Na Cunucu Abou por a mira algun agente di Atraco Team a para algun hoben cu kizas segun nan lo tawata di interes e momento ey.
A tuma nan datonan.
Pues Atraco Team lo mester of lo sinta cu e victima, cu mas cu claro lo dunanan tur informacion pa nan por yega na aresta e atracador cu tawata arma.
