Rotterdam, Hulanda: Ministerio Publico (OM) a exigi 4 aña di castigo di prison pa un gangrape di un mucha muhe di 14 aña.
E gangrape a tuma lugar den un cas den Brielselaan na Rotterdam, durante zomer 2016.
E victima lo a bay un fiesta cu su amigo na e cas aki. Na dado momento e portanan di e cas a wordo cera na lock y su amigo a desaparece. E mucha muhe a keda su so, cu 5 homber straño den e cas. Durante e anochi aki e mester a haci sex cu 5 homber y esaki a wordo filma.
Na prome instante e mucha muhe no a entrega keho, esaki e la haci despues cu e la haya sa cu e gangrape a wordo filma y a wordo poni online, e ora e victima a dicidi di bay polis.
Autoridad di Rotterdam mesora a cuminsa cu un investigacion y a asina nan a logra pone man riba 4 homber. E di 5 sospechoso ainda ta wordo busca.
Segun e Officier van Justitie e sospechosonan aki merece un castigo pisa di prison. ” ta increibel pa mira riba e grabacion con e sospechosonan a abusa di e mucha muhe di 14 aña. E tabata contra e mucha muhe su boluntad y durante e rapemento e no por a haci nada, anto djis pa puro placer propio di e 5 hombernan. Niun momento nan a tene cuenta cu e victima, sin csu onsentimento e gangrape a wordo filma. Esaki ta algo cu e victima pa resto di su bida lo mester sigui biba cu ne”.
Fiscal a exigi pa tres di e hombernan un castigo di prison di 4 aña y pa e otro 42 luna. Pronto hues lo dicta sentencia.