Beijing – China a cuminsa haci test anal ariba personanan di e risico groep halto pa contrae Covid-19, asina Television Estatal a bisa, un movement cu a causa masha hopi reaccion ariba rednan social debi cu e test ta hopi invasivo pero cu lo ta hopi mas eficaz.
For di siman pasa e departamento di Salubridad a cuminsa cu e test den barionan di Beijing unda tin casonan confirma di Covid-19. Mientras esnan den isolacion tambe a wordo someti na e prueba aki.
E metodo anal por bay aumenta e schaal di personanan infecta cu e Virus, debi cu e rastronan di e Virus ta permanece mas tempo den e anus/excremento cu den e sistema respiratorio, e test aki ta mas miho pa identifica un persona cu sintomanan leve of asintomático. Asina Li Tongzeng hefe di Hospital You’an na Beijing a declara.
CCTV a bisa diadomigo cu e anal swaps lo no wordo usa mes tanto manera otro metodonan, debi cu e tecnica “no tawata asina conviniente”.