Paradera – Diaranson anochi algo pasa di 7’or informacion di un accidente a drenta paribq di e rotonde di Santana di Paradera.
Loke a capta atencion di e habitantenan tawata cu tur esnan envolvi a bandona e sitio.
Habitantenan balente a para ambos banda pa trata na avisa automobilistanan pa cuidou, door cu un di e autonan a keda memey caminda.
Unda e boksmento a pasa tawata net un area scur.
No ta mucho cla con e accidente a sosode, paso ta unicamente e zonido fuerte habitantenan a scucha.
Mesora habitantenan a sali wak kiko a pasa y a mira cu tanto e dama na stuur di e Nissan y esnan den e Toyota a move rapidamente for di e sitio.
Segun testigo esnan den e Toyota tawata sangra na cara of cabes.
Esnan cu tawata den e Toyota lo a subi un pick up color oranje y bay direccion Jaburibari.
Mientras e dama a bay direccion pariba esta Bloemond.
Despues di basta rato polis a yega y asina a cuminsa compila dato di esnan cu a mira kiko a sode.
Imagennan ta algun minuut despues cu e accidente a sosode.