Green Corridor – Diadomingo marduga algun rato prome cu 2’or informacion a drenta di un accidente serio ariba Green Corridor pariba di rotonde di Mahuma.
Mesora unidadnan policial a cuminsa bay e sitio.
Na yegada polisnan ta topa cu tres auto totalmente destrui y un chauffeur cu basta dolor debi cu e la kibra e stuurwiel cu su pecho.
Ambulance cu ta un poco mas pabou na Wayaca Falls tambe tawata na caminda.
E accidente pa autoridadnan na e sitio mes un rato tawata manera un puzzel, esta pa haya sa exactamente kiko a pasa.
Debi cu bo ta yega y haya dos auto pega tras di otro y poco mas pariba y Hyundai benta parcialmente ariba e otro banda cu ta bay San Nicolas.
Loke a sosode tawata cu dos auto a boks prome, o sea nan a dal tras di otro y tawata warda nan seguro.
Dado momento segun por a compronde na e sitio dos auto tawata pustando, bahando di pariba.
Na e sitio nos a puntra chauffeur di e Hyundai benta otro banda di caminda kiko mas o menos a pasa y e la mustra cu e tawata envolvi den un boksmento y e auto blanco biniendo cu velocidad halto a dal su auto pasa over di e cero di tera destrui e parti patras completamente.
Y sigui bay pega tras di un otro auto. Na e sitio por a scucha tambe cu e persona lo a baha di e auto y bandona e sitio den un otro auto pero polisnan tin tur informacion.
Tene cuenta cu ora bo ta envolvi den un cualkier boksmento bo mester keda na e sitio warda te ora polis y/of bo seguro yega.
Polis a scucha testigonan tambe na e sitio.
Paramediconan cu a yega na e sitio a bay trata cu e chauffeur cu a resulta herida y despues a sali cu ne direccion Hospital.
