SINT PETERSBURG – Un homber Frances a dicidi di laga tur su pertenencianan na 50 pushi en bes di laga nan pa su famia. E bestianan ta biba den e kelder di e Museo Hermitage na Sint Petersburg, Rusia.
E pushinan ta wordo manteni door di voluntarionan y trahadornan di e museo, segun CNN. Un veterinario local ta wordo yama si ta necesario. Segun director di e museo, Mikhail Piotrovsky, no ta trata di un suma hopi grandi, pero e ta wordo altamente aprecia. „Un gesto hopi amabel for di e homber di Francia. Esaki ta un atencion hopi special pa e pushinan.”
E placa lo wordo uza pa drecha e kelder den cual e pushinan ta biba. Segun Piotrovsky, Vladimir Fortov tawata un „amigo fiel” di e pushinan. Fortov, kende a fayece luna pasa, tawata pasa bishita e museo pa laga placa pa e bestianan.
Segun e museo, tin pushi bibando den e kelder desde siglo 18.
