Maradona su dokter Luque acusa di homicidio intencional

BUENOS AIRES – Den e investigacion tocante posibel negligencia en coneccion cu e morto di e leyenda di futbol, Diego Maradona, su dokter Leopoldo Luque a wordo acusa formalmente di homicidio intencional.
Diadomingo mainta polis Argentino a rista e cas y oficina di Luque, segun prensa Argentino.
„Mi a haci mi best pa Diego te na ultimo momento”, Luque a reacciona. „Mi ta completamente na disposicion di justicia.”
E dokter tawata e persona responsabel pa e situacion di salud di Maradona, y na comienso di november el a saca un prop di sanger for di su cerebro. E buskeda na cas di Luque ta forma parti di e investigacion na posibel negligencia en coneccion cu e morto di Maradona siman pasa, a consecuencia di un ataca di curason.
Declaracion di algun testigo ta papia di un pleito entre e ex-futbolista y Luque, durante e prome fase di recuperacion di e operacion di cerebro. E heroe di futbol tawata kedando na un cas den un comunidad monitoria den e parti noord di Buenos Aires. Eynan Maradona a muri na edad di 60 aña.