Den algun minuut polis a aresta homber cu a ranca tas di un dama

Breugelstraat – Dialuna den oranan di mainta polis a bay den e caya cortico ey mes cerca di Corte di Husticia.

Eynan un dama lo a avisa polis cu un homber lo a bay cu su tas.

Na yegada di polis e la duna descripcion di e homber y tambe cua direccion  e la bay, cu tawata direccion di Rancho.

Mesora varios unidad di polis a start un buskeda y ariba descripcion di e señora a bin topa cu e homber cu ta un adicto.

Den su poder a haya e tas y asina a bay over na detene e homber sospecha di a asalta e dama. E dama aki tambe ta un conoci di polis.