Biden ta cla pa lansa un COVID-19 task force, mientras Trump ta planea protestanan contra eleccion

WASHINGTON/WILMINGTON, Del. – Presidente electo Joe Biden ta prepara pa lansa un coronavirus task force dialuna pa investiga e problema mas grandi cu e lo confronta ora cu e drenta den funcion na januari, mientras Presidente Donald Trump ta haciendo diferente maniobra pa keda cu su trabou.
Biden lo topa cu e un comision di conseho forma pa Surgeon General Vivek Murthy, Comisionario di Food and Drug Administration David Kessler y Associate Professor di Yale University Marcella Nunez-Smith pa sondea e mihor forma pa calma e pandemia cu a mata mas di 237,000 Mericano.
Despues di esaki e vice presidente democratico anterior lo duna su remarkenan na Wilmington, Delaware, tocante su plan pa cu COVID-19 y reconstruccion di e economia.
“Trata cu e pandemia di coronavirus ta un di e batayanan di mas importante cu nos administracion lo enfrenta, y mi lo wordo informa door di scientificonan y expertonan,” Biden a bisa den un declaracion dialuna.
E grupo di scientifico y expertonan lo traha hunto cu autoridadnan local y di estado, ariba un respuesta, incluyendo con pa habri scolnan y oficinanan na un manera safe.
Trump tawata pleita frecuetemente cu oficialnan di salud tocante e pandemia. Vice Presidente Mike Pence tin planea pa reuni cu e coronavirus task force di White House dialuna pa prome bes desde 20 di oktober.
Diasabra Biden ta mustra di a logra e 270 votonan di Electoral College necesario pa gana e presidencia cu un victoria di mas di 4 miyon voto ariba Trump, locual ta haci di Trump e prome presidente desde 1992 cu a perde un re-eleccion.
Pero Trump ainda no a acepta su derota y a entama casonan sin ningun base, alegando fraude den eleccion. Oficialnan di estado a bisa cu nan no ta na altura di ningun iregularidad significante.