Facebook a elimina un grupo grandi di sostenedor di Donald Trump

Diahuebs Facebook Inc. a elimina un grupo cu tawata creciento rapidamente, agregando 1,000 miembtro cada 10 seconde y a yega na 365,000 miembro ariba un solo dia. E grupo, cu tawata sostene Presidente Donald Trump tawata yama su mes “Stop the Steal” y su intencion tawata pa contradeci e legitimidad di e proceso di eleccion. “Nos a wak algun miembro haci un yamada preocupante pa violencia,” un vocero di Facebook a bisa.
Esnan cu tawata encarga cu e grupo a bisa cu nan tawata organisando protestanan pacifico, y tawata haciendo nan best pa tene comentarionan bou control y cu Facebook no a duna nan ningun advertencia. Chris Barron, vocero di e grupo, a bisa cu oponentenan politico tambe tawata organisando protesta pero esakinan no a wordo elimina.
“Si Facebook kier bira e referee di e berdad, nan tin hopi pa haci ainda,” Barron a bisa.
Facebook a bisa cu e eliminacion di e grupo tawata conforme na “medidanan excepcional” pa motibo di “tension eleva.”
“Plataformanan di social media no por laga nan mes wordo usa pa fomenta actividadnan violento y anti-democratico,” asina Paul Barrett, deputy director di New York University’s Stern Center for Business and Human Rights a bisa.
Diahuebs Twitter a suspende e account di Steve Bannon, e manager di campaña anterior di Trump, despues cu esaki a graba un video den cual e ta haci un yamada pa bula cabes di Director di FBI Christopher Wray como tambe di experto di malesa infeccioso, Anthony Fauci, pa motibo cu esakinan tawata desloyal na Trump. Un vocero di Twitter a reitera e compania su polisa anti-violencia.
Esnan cu ta sostene Trump tawata prepara pa cualkier censura. Prome cu Facebook a elimina “Stop the Steal,” organisadornan a dirigi nan miembronan pa un email sign-up page “den caso cu social media censura e grupo aki.”
E grupo su miembrecia a aumenta rapidamente pasobra 7 conservativo prominente a propagande na nan cientos di miles di sigidornan, segun to Renee DiResta, un investigador envolvi den e anti-misinformation Election Integrity Partnership.
E analysis di un cantidad chikito di comentario cu a wordo posted ariba “Stop the Steal” prome cu esaki a wordo elimina, no a mustra ariba ningun yamada directo pa violencia, pero nan argumento fundamental – cu votonan Republicano ta wordo haci nulo door di Democratanan – no tin base.
Fuente: Reuters