AMSTERDAM – Ta posibel pa desinfecta bo mondkapje den microwave.
Dos minuut na 600 watt ta suficiente pa desinfecta bo mondkapje, segun dokter y microbiologo Wim Ang. “Pero cuidou pa e mondkapje no pega candela si!”
“Desinfecta por, esaki a wordo demostra. Si bo pone un virus ariba un pida paña y bo pone e pida paña aki den microwave, e ta bira asina cayente cu e virus ta muri”, segun e microbiologo.
Ora ta trata di e mondkapje cu bo por tira afo, bo mester tene cuenta cu e parti di metal. Esaki lo ocasiona chispa den e microwave. Bo lo mester saca e parti aki prome cu bo hinke den e microwave. “Pero nos mester echt cuminsa cu esaki? Esaki no lo ta demasiado trabou? Y e pregunta ta, si e mondkapje lo keda bon despues di haci esaki.”
E mondkapje cu bo por laba si por bai den microwave, pero tambe e por bai de wasmachine. Esey e dokter ta conseha, pa kita e manchanan.
Fuente: De Telegraaf
