L.G Smith Boulevard – Diasabra anochi pasa di 10’or varios unidad policial a bay dilanta Bestuurskantoor unda lo tawata un bringamento.
E bringamento tawata momento cu un personal di Rode Kruis lo a hala atencion di algun hoben cu tawata bringando cu uno.
Diasabra anochi for di oranan trempan polis tawata tin problema den e area ey cu gruponan di mucha cu no ta comporta nan mes.
Pa 10’or e situacion a escala, momento cu a start un pelea segun nos a compronde ariba e parkeer plaats.
Esaki tawata banda di un auto cu a sufri daño na man di e muchanan. Spiel a wordo kibra y dos tire di e auto bora.
E bringamento a sigui y a bay termina otro banda di caminda cerca di entrada di Bestuurskantoor.
Akinan momento cu e personal di Rode Kruis mirando kiko tawata pasando y a trata di hala atencion di e muchanan a wordo manda cu boter.
Polisnan a core rond buscando e grupo pa asina atende cu nan, pero no a logra haya nada.
Ambulance a yega na e sitio y por a mira cu Paramediconan a opta pa hiba e hoben Hospitaal pa trata e herida.
Manera semper, nunca bo ta haya sa kiko ta e problema di e muchanan aki.
