Caya Frere Arnold – Diabierna mainta trempan Aruba lamentablemente ta cera conoci cu un otro atraco arma mas. Esaki a sosode na Fafal Minimarket.
Na yegada di polis nan a bin topa cu un persona herida y mesora a pidi pa asistencia di ambulance.
For di Cuerpo Policial a ricibi e siguiente relato:
” —Cuerpo Policial ta informa—
07.12 central di polis haya un jamada cu un atraco a tuma lugar na Fafal Minimarket den Caya Frere Arnold. Na jegada di patruya e persona ta splica cu 2 persona masculino cu arma di candela lo mester a atraca e persona trahando den e minimarket.
Durante e atraco un di e atracadonan lo mester a dal e victima cu e arma den su cabes di tal manera cu e mester a wordo transporta pa hospital.
Atraco team a presenta na e sitio y a tuma e investigacion over. Cuerpo Policial ta pidi pa es cu a wak algo of sa algo jama tiplijn di polis cu ta 11141″.
