Awemainta den sala di Parlamento a keda trata e concepto di ley “landsverordening langs electronische weg”.
Den forma unanime Parlamento a aproba e Ley aki cu lo duna validez na acuerdonan cera den forma electronico. Di e manera aki ta facilita comercio digital na Aruba. Alabes mirando con liher tecnologia ta desaroya a scoge tambe pa den e ley haci posibel cu atraves di un “landsbesluit houdende algemene maatregelen” por regla diferente topiconan. Asina por haci e cambionan necesario den futuro mas liher.
Full rond mundo E-commerce ta birando indespensabel y tin un impacto socio-economico hopi grandi. Transaccion electronico no ta encera solamente haci negoshi atraves di internet, pero tambe transaccion entre negoshi cu gobierno, transaccion entre negoshinan, y transaccion entre negoshinan y nan clientenan. Pesey mes tabata necesario pa Paralmento trata y aproba e ley aki.
E ley aki sigur lo aporta na dos di e 6 aceleradornan cu Gobierno a stipula pa Aruba por sali mas liher di e crisis cu nos ta aden actualmente door di entre otro haci e procesonan den Gobierno mas eficiente y flexibel. E dos aceleradornan ta e-government y eliminacion di e red-tape den Gobietno.
Como Parlamentario mi ta contento cu ultimo tempo nos ta pasando leynan necesario y importante pa nos pais.
