Caya Jose Geerman – Diadomingo merdia polis a wordo informa cu un auto lo a bay un cas na Mabon pa busca problema cu un habitante.
Lo tawata trata di varios persona.
Na yegada di polis e ta mira e auto cu lo a bay e cas y mesora a bay su tras.
Tawata trata di un Mitsubishi Lancer color blanco.
A start un persecusion cortico cu a termina poco pariba di EPB San Nicolas o sea ariba Caya Jose Geerman.
Eynan agentenan a bay over na detencion di tres persona.
Tambe un poco mas pabou e mesun vehiculo aki lo a benta algo ariba caminda, a resulta cu tawata un arma di candela.
Na warda e grupo aki lo mester bay duna cuenta na autoridad kiko tur ta e problema unda cu mester a usa arma di candela.
Sub Fiscal na warda lo bay mira kiko lo pasa cu e trio aki, si nan ta wordo cera pa mas investigacion.
