175
Avenida Nelson O.Oduber(Sasaki) – Diasabra mainta pa mas o menos 7:30 informacion a drenta cu un auto a bolter poco mas panort di e rotonde di Super Food.
Mesora un unidad di Noord a sali pa e sitio y berdad a bin topa cu un Honda Fit ariba su dak den e greppel.
Na stuur tawata tin un dama, cu a sali for di e auto sin ningun herida pero si hopi spanta.
Segun e la conta polis, cu e stuurwiel a cuminsa haci straño y esaki a pone cu e la perde e control ariba e vehiculo.
Cu e resultado ya conoci, cu e auto a bolter y bay termina den e greppel ariba su dak.
Ambulance tambe a presenta unda cu Paramediconan a controla e dama na e sitio, y despues e mester warda pa takelwagen lanta e auto.
