Pos Abou – Diabierna merdia den careda di 2:30 informacion a drenta cu tin un accidente entre brommer cu auto na e crusada di Pos Abou.
Mirando cu ta un crusada cu sa pasa accidentenan serio mesora polis a bay e sitio.
Na yegada di polis nan a pidi pa un ambulance, mirando cu e motociclista tawata ariba caminda drumi ainda despues di e accidente.
E vehiculo tawata un Nissan pick up y por mira cu e brommer a dal e banda robes patras.
Un impacto basta duro por bisa, mirando cu e brommer Suzuki a keda kibra.
Un familiar a yega y tawata basta spanta, y ta mas cu logico ora bo haya un noticia asina.
Rotonde di Hato a wordo cera pa evita cu e trafico bay pega ariba e accidente, cu tawata memey di caminda.
Na yegada di Paramediconan mesora nan a cuminsa stabilisa e motociclista, y despues di algun rato a pone den ambulance pa transporte pa Hospitaal.
