Den un accion riba lama e barco di Marina Real Zr.Ms. Groningen den cooperacion cu e team di metal Sharks di Kustwacht a logra intercepata un Zeilboot cu droga abordo.
E accion a inicia diamars ultimo den oranan hopi trempan di mainta, na momento cu riba e radar di Zr.Ms. Groningen a detecta un boto Go Fast actuando hopi sospechoso. E boto a bay den direcion di un zeilboot caminda e la mara un rato na dje, posibelmente na e momento ey e zeilboot lo a wordo carga cu contrabando. Despues e Go Fasta a sali cu velocidad halto bay direccion Zuid.
Zr. Ms. Groningen a cuminsa mesora bay direcion di e zeilboot y a manda dos di su speed bootnan yama FRISC, direcion di e Zeilboot, hopi lihe nan a alcansa e Zeilboot y a intercepta esaki, abordo tabata tin un persona so, un homber di nacionalidad britanico.
Despues di a delibera cu Kustwacht Caribisch Gebied, e Zeilboot a wordo entrega na un Metal Shark di Kustwacht.
E zeilboot a wordo hiba door di e metalshark direccion di Corsou. Na caminda nan a haya asistencia di e boto di patruya di Kustwacht e cutter Jaguar. Jaguar a hiba e zeilboot mara na e Pier di Kustwacht, pa un control extenso, durante e control a bin topa cu mas o menos 80 kilo di cocaina den tres paki.
E droga y tambe e homber a wordo entrega na Kuerpo Polisial di Korsou.
Kustwacht y e barco di Marina Real Zr. Ms. Groningen lo sigui patruya intensamente na e costanan di e islanan di Reino Hulandes. Ademas di Zr. Ms. Groningien, tin militarnan tambe cu ta patruya riba tera controlando e costanan pa entradanan di cosnan y hendenan ilegal.
Kustwacht ta pidi tur cuidadano di e islanan di Reino den Caribe, pa si nan mira cualke situacion sospechoso na nos costanan of riba lama pa yama mesora e number di emergencia #913. Cu cooperacion di e pueblo, nos lo mantene e costanan y e lama rond di nos islanan sigur.
