Pos Chikito – Diadomingo merdia trafico a pega pariba di rotonde di Pos Chikito, unda cu chauffeurnan por a mira un homber den boei.
Loke a sosode
Polis a wordo notifica cu un ciudadano ta tras di un auto cu lo a horta ariba su propiedad.
E ciudadano a sigui e pick up color preto y pariba di rotonde Pos Chikito e la logra cera e pick up unda un otro patruya a bin di pariba para su dilanti.
Eynan polis a bay over na detene e chauffeur.
Tambe polis a cuminsa tuma datonan di e cabayero cu a avisa polis kiko tur a pasa.
Dado momento a surgi un discusion entre e sospechoso y e cabayero Hulandes.
E cabayero a bise cu e la wak e ariba Camara di siguridad, y parse e homber tawata den compania di un persona mas.
E discusion a e scala momento cu e cabayero Hulandes a bise cu e lo por a kibra su nek si e la topa cu ne, ey e sosopechoso tambe a menasa e homber cu ora e sali e mester wak su caya.
Tur esaki a sosode dilanti e agente policial.
Despues di e discusion e cabayero Hulandes a subi su pick up y bandona e sitio.
Transportwagen mientrastanto tawata yegando for di pariba pa hiba e homber warda di Polis.
No ta conoci kiko e homber lo a horta.
