197
J.E Irausquinplein – Dialuna merdia polis di bario atento a nota un Nissan Sentra color blanco. E vehiculo aki tawata hiba/trece hende. Esaki a sosode ariba plein di Postkantoor.
Mesora e agente policial a bay controla mas leu y a haya sa cu e chauffeur tawata haciendo e trabou di taxi, pero ilegal o sea pirata.
Ora a puntra pa su documentonan, nada tawata na ordo y esaki a bira motibo suficiente pa kita e auto for di caminda. A pidi pa takelwagen pa bay cu ne.
E doño lo haya su auto bek ora e presenta cu tur papel na ordo.
