Weg Fontein – Diabierna anochi pa mas o menos 9:20 informacion a drenta cu un persona lo a ricibi tres impacto di bala.
Mesora patruyanan di San Nicolas a cuminsa bay e adres cu ta un poco mas panort di e rotonde di Weg Fontein.
Na yegada di polis e victima den tur su dolor a conta polis mas o menos kiko lo a pasa y cu nan a bay cu su auto tambe.
Esaki a wordo haya algun rato despues na Zeewijk y e tawata na candela.
Cuerpo Policial a emiti un relato oficial y ta bisa lo siguiente:
” Diabierna 21.20 melding a drenta via Central di Polis cu un persona a wordo tira na un cas na Weg Fontein. Na e jegada di patruya a constata cu e persona tin 3 perforacion di bala y ela declara cu 3 hende homber a horta su auto Ford Fusion color shinishi. Cu maximo urgencia e persona aki a wordo hiba hospital.
Departamento Tecnico di Cuerpo Policial, Recherche San Nicolas y Slachtofferhulp ta na e sitio.
Na es momento aki melding a drenta via Central di Polis cu a encontra e Ford Fusion na candela na altura di santana di Zeewijk”.
Kiko a conduci na un problema asina drastico no ta conoci, varios teoria a wordo bisa rond pero ta den man di polis pa soluciona e caso aki.
