Washington – Diasabra anochi pasa di 10’or polis a wordo manda cu urgencia altura di Washington 74B, unda auto a dal un ciclista lagando e seriamente herida.
Mesora unidadnan policial a cuminsa bay Washington, unda cu e caminda a wordo cera den ambos banda.
Na yegada polisnan a topa cu dos ambulance y ya e victima den un estado critico a wordo hinca den Ambulance.
Den algun minuut e Ambulance cu tin e victima den dje a sali cu urgencia direccion Hospitaal.
Mientrastanto polisnan di trafico a yega pa asina cuminsa e investigacion.
Un Ambulance a keda na e sitio tratando cu e chauffeur di e Toyota Yaris.
E accidente a sosode momento cu e Yaris pa un of otro motibo lo no a mira e homber di edad ariba e bicicleta di tres wiel. Na e sitio nos a compronde e homber aki ta biba den cercania y ta core e bicicleta aki sin ningun iluminacion.
Esaki por ta e motibo cu chauffeur di e Yaris no a mire.
Mientrastanto a pidi BFTO(departamento tecnico) pa presenta na e sitio pa asina saca potret o sea compilando datos.
Takelwagen a wordo pidi pa bay cu e Yaris pa mas investagion.
Pues tanto chauffeur di e Yaris y e ciclista a bay Hospitaal, pero e situacion di e ciclista ta serio.
