ORANJESTAD, Aruba 18 augustus 2020 – Ayera 17 di augustus tawata net 2 siman pasa cu Aruba a keda confronta cu e brote cu a inicia den Hotzone.
Na inicio di e brote aki esnan mas afecta a varia entre edadnan di 25 pa 44 aña. Debi na e edad hoben di e grupo aki, poco ta esnan cu a bira hopi malo y a keda interna den hospital.
Awor despues di 2 siman, manera a ser anticipa, e virus a wordo hiba cas cerca mama, tata, wela y otronan den cas. Den e dianan cu a pasa mayoria di esnan cu ta presentando sintoma ta di edad mas halto cu e consecuencia cu e grupo aki si por bira hopi malo y keda interna den hospital.
Den e simannan cu ta sigui, Aruba lo bay tuma nota di mas casonan di ingreso den hospital y no ta descarta cu lamentablemente nos por bay registra casonan di fayecimento, apesar di tur e esfuersonan haci.
Pa por sigui indentifica trempan esnan positivo y isolanan, lo continua cu e maneho actual di test mas hopi posibel tur esnan cu tin sintoma. Esnan cu ta biba bou di e mesun dak cu un caso positivo tin cu bay den cuarentena obligatorio pa 7 dia despues di 7 dia ta recomenda pa e persona keda 7 dia mas door di tuma vakantie of yega na areglo cu doño di trabou, pa por completa 14. Esaki ta e maneho pa trata na evita cu e virus ta sigui plama riba nos isla sin cu nos profesionalnan tin bista riba e transmision.
Ta importante pa e persona positivo y su famia haci tur posibel pa trata na evita e transmision den cas, esaki door di sigui tur instruccion di higiena y uzo di mondmasker – tapa boca regularmente.
Un familiar den cas ta haya e prome 7 dianan di cuarentena obligatorio pa vigila si e ta desaroya sintoma, si sintoma aparece e familiar mester tuma contacto cu su dokter di cas pa por test pa Covid-19. Despues di e prome 7 dianan ta sigui recomenda pa keda den quarentena boluntario y sigui monitor pa sintoma. Di e forma aki ta evita pa e virus sigui plama.
Update di awe ta informa;
Positivo 84 caso a bin aserca,
recupera 65 caso, pues 19 caso activo nobo.
Total di test haci ayera 391.
Den hospital te na e momento aki tin 18 persona “opgenomen” di cual 2 ta den cuido intensivo. Edad minimo di es den hospital ta 29 y edad maximo ta 85.