Tumando na cuenta cu e desaroyonan reciente di COVID-19 na Aruba ta yegando mas cerca di nos tur, nos a tuma e decision pa cera nos Main Branch na Oranjestad. Den e periodo di ciere aki lo haci un limpiesa completo (deep cleaning) di nos branch, oficinanan ehecutivo y edificio den su totalidad. Tur nos otro sucursalnan lo keda habri pa brinda e servicio di custumber na nos clientenan. Clientenan por sigui tuma contacto cu nos Account Managers y tambe Sales Officers via medionan electronico of por tuma contacto cu un otro branch. E bienestar di nos empleadonan, clientenan y bishitantenan ta na prome luga pa nos. Por fabor, sigui nos medionan social pa tur update den e siguiente dianan.
Nos ta bibando den temponan extraordinario cu lamentablemente ta exigi solucionnan extraordinario. Danki pa boso comprension.
