Sabana Liber – Habitantenan ariba e caminda Sabana Liber cu ta bay pa Alto Vista a bin pone atencion ariba basta awa ariba caminda. E awa aki cu ta bin for di mas pariba, semper tey ariba diamars pa diaranson.
Ta papia di bastante awa sushi.
Habitantenan mes a bay mira di unda e awa aki ta sali/bin, debi cu semper ta e mesun un dia y esaki ta yena e caminda mas pabou.
A bin resulta cu un construccion di apartments di dos piso a wordo construi recientemente, y bastante lihe segun nos a compronde.
Cerca di caminda bon tapa bou tera por mira un pidi tubo di pvc saliendo direccion caya.
Asina habitantenan a bin haya sa cu e awa posiblimente di beerput ta sali via e tubo y yena ariba caya. Algo cu no por.
Ni maske cu no ta awa di beerput esaki no mag.
Esnan den vecindario lo a avisa polis, na yegada di polis nan lo no a haya e persona encarga cu luga.
Informacion haya tambe di e habitantenan ta bisa cu D.O.W tambe a wordo avisa.
Pero, no tin un constesta fiho si ta D.O.W mes por a permiti esaki, pero nos ta duda debi cu no por laga awa bay ariba caya asina.
Den e dianan dilanti lo haci un miho investigacion con un tubo por ta core bou tera y awa di e edificio ta bay para ariba caya.
