St.Christoffelbergweg – Diadomingo merdia den careda di 2:30 polis a bay un compleho di apartments na St.Christoffelbergweg pa un dama cu a wordo maltrata.
Un patruya a sali cu urgencia direccion e adres. Na yegada agentenan ta constata cu e dama a wordo maltrata. Polis a constata esaki na e golpinan visibel cu e la ricibi na cara.
Golpinan serio den cara ricibi door di tata di su yiu.
Ambulance a ser pidi y tawata na caminda.
Polis na e sitio a separa e pareha y asina a scucha ambos banda di e medaya.
Na yegada di Paramediconan nan a controla e dama y a constata cu e la ricibi un hersenschudding, door di e golpinan fuerte ricibi den cara.
Polis a pidi transportwagen, debi cu nan a detene pa maltrato.
E parti lamentabel ta cu asina mes e dama no tawata kier a entrega keho contra tata di su yiu.
Pero debi cu e maltrato ta asina serio y algun tempo pasa un ley a pasa cu por detene un homber aunke e pareha no kier entrega keho.
Transportwagen a yega y a hiba homber warda, mientras Ambulance a hiba e dama Imsan.
Asina nos ta mira cu maltrato fisico y mental ta un hecho casi diario aki ariba nos isla.
