Homber di edad a pidi asistencia debi cu parti di dak di cas lo a basha aden

Buena Vista  –  Diasabra merdia un cabayero a pidi asistencia, debi cu awa lo causa daño na su cas.

A papia cu un parti di su cas dak lo a basha aden.

Na yegada di Brandweer mesora nan a baha y a bay patras di e cas. E cabayero cu ta un persona di edad y bibando su so a mustra e parti di e dak daña.

A resulta cu parti di e dak no a basha aden, pero tin falta di mantencion. Ta trata di un dak di zim, cu no a wordo cambia of manteni.

Polisnan tambe a yega y a tuma dato.

Lamentablemente ni bombero of polis lo por a yude.