Pos Chikito – Diasabra algo prome cu 8’or di anochi, a drenta un informe di un atraco arma na un cas di famia na Pos Chikito. Mesora a manda polis na e sitio.
https://www.facebook.com/arubanative/videos/209183450476256/?t=16
Na yegada polis nan a bin compronde cu tabata trata do probablemente dos hende homber hoben, y nan a papia papiamento. Nan tawata cara tapa, ambos tabata tin un arma di candela cu nan. Nan a mira un bentana habri y a drenta den e cas.
E dos atracadornan aki a dal den duro, nan a baha na awa cu dos cartera bashi, por bisa cu nan a bay atraca un persona cu tabata mas bashi cu nan. E dos atracadornan a bandona e sitio na pia y a cana bay direccion pabou.
Ambulance tambe tabata na e sitio, debi cu a haya e doño cu ta un cabayero benta ariba vloer.
Polis tin un fuerte sospecho cu aki ta trata di e mesun atracadornan cu diabierna anochi a atraca un homber na Spaans Lagoenweg.
Atraco team a wordo poni na altura di e sucedido lamentabel aki.
