Avenida Milo Croes/Dakota – Diadomingo mainta algun minuut pasa di 8:30 Huis van Bewaring na Dakota a bati alarma.
Motibo tawata cu varios detenido lo a huy. Aki den ta personanan cu status di ilegal/indocumenta ta wordo cera, pendiente nan deportacion.
Mesora unidadnan policial a wordo pidi pa yuda, y varios di nan a sali direccion Dakota.
Na yegada e informacion a cambia.
Marduga
A resulta cu esnan cu a subi mainta a bin ripara cu falta detenido.
Asina a bin haya sa cu for di e ultimo ora cu nan a wordo controla, cu tawata mas o menos 2or pa 3or te mainta a bolbe controlanan.
Posiblemente door di poco personeel durante e warda di marduga, esaki a sosode.
Ta trata di cinco persona. No ta conoci si por ta trata di personanan cu record criminal.
E problema ta sinta cu debi frontera di Venezuela ta cera door di Presidente Maduro, no ta posibel manda e personanan aki bek y asina ta cu Aruba mester deal cu e situacion.
Guarda nos Costa tin dato di tur esnan cu a huy.
