Accidente cu basta daño material y hendenan herida

Prof. Lorentzstraat/Emmastraat – Diabierna anochi polis a bay pura e crusada di Emmastraat cu Prof. Lorentzstraat, unda a sosode un accidente y tin hende herida.

Na yegada polis a constata cu tin mas cu un persona herida, di cual uno ta poco serio debi na e heridanan ricibi.

Dos ambulance tawata na caminda.

Na e sitio por a mira cu tawata trata di un accidente entre un Nissan March y un Chevrolet Spark. Falta di preferencia a hunga un rol.

Na yegada di e ambulancenan Paramediconan mesora a bay atende cu esnan herida.

Caminda a permanece cera pa algun rato.