Dialuna dia 13 di Juli 2020 Stichting BOB Aruba a ricibi donacion for di e programa di recaudacion di fondo esta “Walk for the cure”. Esaki a tuma lugar den luna di October 2019 y tabata un caminata na unda comunidad no solamente a aporta na Stichting BOB Aruba pero tambe a forma parti di e conscientisacion pa cu e importancia di screening di pecho.
Walk for the cure ta un programa cu CIBC First Caribbean ta presenta pa algun aña caba cuie Jones
meta pa recauda fondo pa duna bek na comunidad. Riba potret por mira e acto di donacion di e suma di 17 mil florin.
Un danki na CIBC First Caribbean International Bank y na pueblo di Aruba cu a participa y a contribui.
Stichting BOB Aruba – CU UN PROTOCOL DI SALUD Y HIGIENA NOBO –
Cu un protocol di higiena y salud adapta y optimalisa Stichting BOB Aruba ta duna e servicio gratis di checkeo di pecho cu mamografia na nos hende muhernan di 45 pa 75 aña di edad.
Nos kier motiva e hende muhernan mes pa tuma contact na 5881212 y traha nan cita.
Por participa cada 2 aña na e programa di screening di cancer di pecho pa nos por logra e meta di Stichting BOB Aruba, cu ta pa por detecta cancer di pecho mas tempran cu ta posibel.
Tuma contact libremente na telefon di oficina: 5881212
Of via nos number di What’sApp: 5945020
Tambe por sigui nos pagina di Facebook: Stichting BOB Aruba
No laga pa mañan y despues ta lamenta. Tuma accion door di controla e salud di bo pechonan cada 2 aña.
Stichting BOB Aruba – CONSCIENTISACION VIRTUAL DEN 2020 –
Considerando y adaptando cu reglanan di distancia social, precaucionan rekeri y e impacto financiero riba henter pueblo di Aruba ta implica cu “Walk for the cure” lo sosode den un otro forma e aña aki, uno virtual.
Ta invita comunidad di Aruba pa sigui nos facebook page di Stichting BOB Aruba pa asina keda informa con por participa den e evento virtual aki, cual lo tuma lugar den luna di October cu ta “breast awarness month”.
E lo ta un evento sumamente interesante conscientisando cada un di nos riba e topico di cancer di pecho.
Sea pro-activo y tuma contact pa traha un cita y controla e salud di bo pechonan. Un mamogram na tempo por salba bo bida.