Macuarima Aruba: Tur hende tin derecho di manifesta segun nos constitucion. Banda di bo derecho bo tin tambe bo obligacion como cuidadano pa mantene bo mes na leynan stipula door di autoridad.
Nos di Cuerpo Policial tin e tarea pa garantisa e seguridad di esnan manifestando y tambe pa cumpli cu leynan stipula.
Si bo ta manifesta, haci uso di e derecho pero kedando trankil y conforme nos leynan. Mester tin un permiso oficial pa por haci uso de e camindanan publico.
Nos kier a recorda cu en conexion cu covid-19, tin un decreto ministerial na unda articulo 4.2 insiso 1 ta bisa siguiente:
“Nos mester mantene distancia social di 1,5 meter for di otro e momento cu nos ta riba caminda publico, parkenan of beachnan publico.”
Cuerpo policial ta enfatisa un biaha mas cu nos ta consciente di e desaroyonan actual den nos comunidad, semper y cuando manteniendo e orden publico y e seguridad engeneral y actuando segun nos leynan stipula.