Sv Universal a eligi día 30 di juni ultimo Maruschka Lacle-Smarius como presidente pa e temporada 2020/2021.
Eleccion mester a tuma luga den e prome kwartaal di aña, sinembargo e crisis di coronavirus a percura pa un retraso den e proceso aki. Sinembargo na juni a yama un reunion, unda cu no a haya ningun grupo nobo cu tabata interesa pa tuma over.
E presidente nobo a forma su directiva e siman siguiente di e manera aki: vice presidente Olivia de Freitas, secretario Desiree Croes, penningmeester Maritza Maduro y Rita Timper.
Na mes momento directiva a fiha e calender di actividadnan pa e resto di aña.
Un di e prome pasonan tuma tabata pa finalisa un trabou cu tabata pendiente. E Club a haya un man di verf y un bon limpiesa, principalmente importante ta cu e club a haya su colornan original.
Presidente di Club ta invita Pueblo di Aruba henter, pero e bario di Pos Chiquito y Sabana Basora en particular pa atende na nan actividad regular, boxing y happy hour pero tambe na nan actividad special tur fin di luna.
Keda pendiente ya cu proximamente lo anuncia e lista di actividadnan. Pa mas informacion por subi riba e Facebook di SV Universal.
