Oranjestad – Durante un serie di sesionan, Aruba Bank a duna informacion di servicionan bancario “Self Service” cu e banco pionero tin pa ofrece. Un total di 50 empleado di Bucuti & Tara Beach Resort a atende e sesionan importante aki.
Tur empleado di Bucuti & Tara cu ta cliente di Aruba Bank por a haci uzo di e momento aki pa haci pregunta di nos Aruba Bank Online y di nos Aruba Bank App.
Representantenan di Aruba Bank tabata presente pa duna un tiki mas splicacion di con por haci uzo di Aruba Bank Online y Aruba Bank App pa por haci pago di entre otro utilidad, tarheta di credito y pa duna instruccion na esnan cu mester con pa inicia uso di e Aruba Bank App y activa esaki.
E proactividad di Bucuti & Tara Beach Resort ta uno di aplaudi, ya cu e ta permiti su empleadonan conduci transaccionnan bancario, facil y lihe, for di unda cu ta. E banco pionero ta habri pa tur esnan cu ta desea di ricibi mas informacion tocante nos servicionan bancario “Self Service”, por manda un email na [email protected].
