168
Sabana Berde – Diaranson merdia pa mas o menos 2’or varios patruya di polis a wordo manda na e base di Guarda Nos Costa, unda cos tawata saliendo for di man. Esaki no ta prome y lo no ta ultimo biaha.
Na yegada di polisnan a compronde cu 2 detenido lo a bringa, y esaki posiblemente of deliberadamente a pone cu e resto di detenidonan ta cuminsa haci fastioso. Tawata mustra cu dado momento e personal di GNC mester a pidi refuerson di polis.
Na yegada cos tawata basta trankil. Por a mira señora Hassell sinta ariba suela banda di un di e detenidonan, posiblemente papiando pa e keda trankil.
Transportwagen a yega y a transporta ambos bringando for di e base, unda cu nan lo por trankilisa y despues lo hibanan bek.
E no ta un situacion facil ni pa e personal di GNC y tampoco pa e detenidonan cu no por regresa nan pais, debi cu fronternan ta cera.
