Na: Minister di Desaroyo Teritorial, Infrastructura y Medio Ambiente
drs. Marisol J. Lopez-Tromp
Su Excelencia,
Pa medio di esaki organisacionnan no gubernamental (ONG) cu tin como meta e proteccion di naturalesa ta sinti nan mes yama pa vocifera nan preocupacion den cuadro di e destruccion y molester cu ta wordo causa door di ‘Off-Road Driving’. Ya caba ley ta haci posibel e regulacion di areanan di naturalesa como tambe e regulacion pa loke ta trata e libertad di maneho di un manehador (beheerder) pa maneha e areanan aki, locual ta wordo haci actualmente dor di FPNA.
Pa locual ta e areanan cu ta resorta bou Natuur & Landschap den cuadro di e Plan di Ordenansa Teritorial (ROP), esakinan ainda falta pa wordo regula sea den e actual ROPv o sea den leynan specifico nacional.
Den cuadro di esaki por considera e proposicion di FPNA tocante Natuur & Landschap. Naturalesa tin su propio posicion y no por vocifera pa su mes. Ta netamente e ONG-nan ta haci esaki posibel dor di expresa nan mes y duna sosten na e proposicion aki. Tin suficiente estudio y rapportnan cu ta mustra e peligernan cu e uso di e ATV/UTV’s nan aki por trece pa medio ambiente, trafico y salud di esnan cu ta maneha e vehiculonan aki y e habitantenan rond.
E crisis di COVID-19 ta mustra bon cla cu ta posibel cu naturalesa por recupera su balornan. E asina yama ‘carrying capacity’ ya a excede su limite caba prome cu e periodo di crisis y awor no por wordo excedi un biaha mas.
E recuperacion di turismo despues di e crisis mester wordo controla na un manera mas eficiente pa por duna naturalesa e chens tambe di recupera. E intencion di esaki ta pa duna nos futuro generacion, bishitante y habitantenan e oportunidad pa por disfruta di Aruba na un manera sostenibel. E empresarionan cu actualmente ta sinti nan mes perhudica den nan expectativa di benta y ganashi, lo tin cu adapta nan producto pa alternativanan sostenibel y aki e ONG-nan y profesionalnan lo ta dispuesto pa asisti. Mester por bin cu manera innovativo, creativo y educativo di traha na unda cu ta inclui tur e ‘stakeholders’.
Aruba pues por wordo mira como un parke natural/ecosistema den su totalidad rondona dor di un parke marino, na unda partinan a wordo sacrifica pa desaroyo economico. Tin suficiente ehempel den nos region y tambe riba nivel internacional di areanan cu a wordo haci rendabel a base di turismo sostenibel.
No ta spera di a informa suficiente tocante nos perspectiva tocante ORD na Aruba.
Atentamente,
Na nomber di ONG nan:
Stimaruba
Stichting Rancho
Turtugaruba
Conserva Area Cristal
Aruba Reef Care Foundation
Climate Action Aruba/Coastliners
Referencianan:
1. Policy Document. Managing Nature Conservation and High Impact Motorized Vehicles
2. Fundacion Parke Nacional Aruba (2020).Off Road Driving (ORD) Policy Development – FPNA Position Paper. Fundacion Parke Nacional Aruba (FPNA), San Fuego 70, Aruba
3. Fundacion Parke Nacional Aruba (2020). Environmental Impact Report for Off Road Driving (ORD) in Parke Nacional Arikok. Fundacion Parke Nacional Aruba (FPNA), San Fuego 70, Aruba
4. Stevens, M. (2019) Off-Road Vehicle Driving and the Arid Ecosystem. UA- UCU Student Research Exchange Programme 2019
5. Nieuw, X., Nieuw, C. (2020) The effects of Off-Roading Tourism on Aruba
6. Aruba Tourism Authority (ATA) (2018). A study on the Tourism Carrying Capacity for the Island of Aruba
7. ROPv http://www.dip.aw/cROPV/cROPV%202019%20plankaart.pdf
8.http://www.dip.aw/cROPV/Bijlage%20bij%20toelichting%20voorschriften-DNM%20natuurgebieden.pdf
9.http://www.dip.aw/cROPV/Bijlage%20bij%20voorschriften-ecologische%20hoofdstructuur.pdf
10. Dewidar, K., Thomas, J., & Bayoumi, S. (2016). Detecting the environmental impact of off-road vehicles on Rawdat Al Shams in central Saudi Arabia by remote sensing. Environmental
Monitoring and Assessment, 188(7). doi: 10.1007/s10661-016-5400-6
11. Overheid Aruba. (2019, June 28). Complaints Regarding ATV/UTV. Retrieved from https://secure.overheid.aw/news/news47033/item/ complaints-regardin atvutv_43559.html
12. Randall, M., Macbeth, J., & Newsome, D. (2006). Investigating the Impacts of Off‐road Vehicle Activity in Broome, North‐Western Australia: A preliminary appraisal. Annals of Leisure Research, 9(1-2), 17–42. doi: 10.1080/11745398.2006.9686744
13. Schlacher, T. A., & Thompson, L. M. C. (2008). Physical Impacts Caused by Off-Road Vehicles to Sandy Beaches: Spatial Quantification of Car Tracks on an Australian Barrier Island. Journal of Coastal Research, 2, 234–242. doi: 10.2112/06-0691.1
14. Topping, J. (2019). 2017 Annual Report of Atv-Related Deaths and Injuries. 2017 Annual Report of ATV-Related Deaths and Injuries. U.S. Consumer Product Safety Commission. Retrieved from https://www.cpsc.gov/s3fs-public/atv_annual Report 2017_for_website.pdf
15. Walker, J. (2018). Girl from Freedom of the Seas Seriously Injured During Excursion in Aruba.
Retrieved from https://www.cruiselawnews.com/2018/08/articles/excursions/girl freedom-seas-seriously-injured-excursion-aruba/