Atracadornan arma a mara habitante den su cas na Balashi

Balashi – Diahuebs merdia alarma a wordo bati pa un otro caso di atraco. Tawata den careda di 2:25 di atardi cu un persona ta avisa polis cu e lo a yega cas y haya un mayor di dje mara 

Mesora e la wordo bisa cu nan lo a caba di ser atraca door di tres hende homber arma. Segun e habitante, e hombernan lo tawata comunica na spaño.

Y despues nan lo bandona e sitio den un auto chikito, aunke cu na prome instante a papia di un Van color shinishi. E momento no tawata conoci kiko tur nan por a bay cu ne.

Polisnan a yega lihe na e sitio, debi cu warda di polis ta ey nan mes na Macuarima  Ambulance tambe a wordo solicita pa atende cu e persona cu a wordo mara.

Atraco Team y Slachtofferhulp a yega y mientrastanto polisnan lo a cuminsa tira bista rond pa un auto chikito cu tres homber probablemente Latino den dje.

Dialuna anochi tambe tawata tin un caso di atraco arma na Paramira.