Segundo chauffeur (20) di accidente na Sero Pita ta fayece

Diasabra anochi algo pasa di 10:30 un accidente serio a wordo registra pazuid di e crusada di Sero Pita.

Tawata trata di un accidente frontal, entre un Suzuki Swift y un Nissan March.

Chauffeur di e Suzuki Swift cu ta e agente policial Boekhoudt ta fayece al instante, unda cu Paramediconan no por a haci nada mas na nan yegada.

Den e otro auto tawata e dama hoben, Luis-ann Larez naci 08 di December 1999 (20 aña), cu tambe a keda gravemente herida. Durante weekend por a mira famianan pidiendo hopi oracion pe.

Dialuna mainta segun nos a compronde e lo a wordo opera.

Lamentablemente pa atardi 6or, destino tawata tin un otro plan.
Informacion a drenta cu e Luis-ann a fayece birando e di 3 morto di trafico.