Durante Toque de queda polis a detene un persona cu tabata wordo busca pa husticia

Emmastraat, Oranjestad: Dialuna durante de Toque de queda, un rato despues di e sucedido na e cas di e conocido Dj Chando Colina, recherchenan tabata haciendo nan trabou investigativo ainda na e cas y nan a ripara cu tin un homber canando riba caya.

Mesora nan a acerca e homber y pa nan sorpresa tabata trata di un homber cu tabata wordo busca pa husticia, como sospechoso di un of mas ladronicia.

Segun e homber e lo ta bibando den un van ey banda mes y polis a bay na e van y a buscaden e van, aparentemente nan a confisca un saco di paña y a saca potret di algun cos mas.

E homber a wordo deteni y cu transportwagen di polis e la wordo transporta pa Warda di Polis.