Emmastraat – Dialuna anochi den careda di 9’or, polisnan a wordo manda cu urgencia den Emmastraat na altura di un Clinica Dental. E motibo tawata cu dos homber bisti na preto y cara tapa a drenta e cas na banda.
Na yegada di polisnan a resulta cu e adres ta unda e mayornan y e conocido DJ Chando Colina ta biba.
Chando mes tawata eynan na e momento ey, pero e tawata drumi.
Den un entrevista cortico cu Chando Colina, e la conta nos cu dos homber ambos cu arma di candela y cu silencer pega aribanan a drenta bay te paden y a pone e arma di candela na su mama su cabes.
E dos hombernan aki a papia spaño, y nan a drenta puntrando; “Donde esta el dinero”, ora nan a bay, nan a bisa cu nan lo bolbe bek y lo mata tur hende den e cas.
Varios patruya a bay direccion di Emmastraat y vecinderio en busca di e dos hombernan aki.
Na momento cu nan a bandona e cas ambos a core na pia bay direccion pa zuid.
Polisnan a keda busca rond den vecindario, pero no a logra haya nan. Hopi biaha despues di un atraco, polisnan ta haya diferente tip, pero e tipnan no tabata nada particular
Atraco Team y tambe Slachtofferhulp a wordo poni na altura.
Un caso hopi lamentabel mirando cu Chando Colina mes ta un malo di salud y e la menciona esey tambe y por a ripara esaki na su persona.
