95
Catiri: Diadomingo algun minuut prome cu Toque de queda cuminsa, a sosode un accidente cu hopi daño material riba e caminda di Catiri net den e conocido bocht skerpi. Mesora a manda polis y ambulance cu urgencia na e sitio.
Na yegada polis a bin topa cu un Nissan Cube total loss y un cura di transha cu hero hopi kibra. Na e sitio nan a bin compronde cu e chauffeur di e Nissan Cube pa un of otro motibo a perde control, e la baha caminda bay dal contra e cura di hero y transha kibrando esaki.
E impacto tabata hopi fuerte cu e auto a keda total loss, e dama chauffeur no tabata mustra herida, pero pa tur seguridad despues cu personal di ambulance a trata e dama na e sitio a dicidi di transport’e pa hospital.