Cliente furioso despues di wak su cuenta di banco

Palm Beach – Dialuna anochi despues di e accidente serio na Saliña Cerca, polis a wordo notifica di un destruccion na propiedad di banco CMB situa na Palm Beach, Noord.

Segun informacion un testigo lo a mira un persona sali for di e bancomatico y momento cu e la bay pa bandona e ATM e la destrui e porta.

Posiblemente rabia pa un of otro motibo momento cu e lo a bay chek su cuenta di banco.

Algo lo no a cay na su agrado y a yena e persona aki cu rabia. Despues e auto cu e persona a subi a bay direccion zuid o sea Washington.

Polisnan a bay tira bista, pero debi cu minuutnan a transcuri no a topa cu dicho vehiculo.

Loke e cliente aki a lubida ta cu e banco tin camara di seguridad tur caminda incluyendo den e ATM, pues awor e gasto lo core pa su cuenta cual ya lo no ta mucho yen.