Dialuna 11 di mei a tuma luga un reunion digital hopi importante entre e team di maneho di Guardian Group Fatum Aruba y Prome Minsiter Evelyn Wever-Croes. Presente tambe den e reunion via Zoom tawata Director di CEDE Aruba y Coordinador di Happy to Give Back, Daniel Tecklenborg y FUTURA, Sra. Varelie Croes.
Guardian Group Fatum Aruba, ta cumpli 116 aña brindando bon servicio na Aruba. Pa e ocacion aki, Guardian Group a dicidi pa en bes di celebracion cancelá eventonan cu aglomeracion anto haci un donacion substancial di 116 mil florin pa yuda comunidad den necesidadnan ocaciona pa e Corona virus. E ayudo riba tereno medico y social ta unu importantísimo, asina Diego Fränkel, CEO di Guardian Group a compartí den e reunion cu Prome Minister.
Prome Minister ta gradici Guardian Group Fatum Aruba pa e gesto bunita aki. Alabes ta felicita Guardian Group cu nan 116 aña y ta desea nan exito pa sigui brinda ayudo na nos comunidad.
