Saliña Cerca – Dialuna anochi den careda di 7’or alarma grandi a ser bati pa un accidente frontal panort di e saliña di Saliña Cerca. Mesora a cuminsa manda tur unidad cu tawata disponibel e area.
Prome unidad na e sitio a cuminsa pidi pa un ambulance cu urgencia, debi cu un chauffeur tawata pega den auto y den un situacion hopi delicado.
Tambe den mes un rosea ta pidi pa Materiaalwagen di Brandweer.
Tawata trata di un Van Hyundai y un Toyota Agya di e compania Heart Radio 106.7 fm. Segun informacion haya na e sitio y tambe di testigonan ta cu e Van lo tawata zwaai ariba caminda.
Pareha di e chauffeur di e Van momento cu e la wordo libera a bisa cu e y e chauffeur lo tawata den un discussion formal. Dado momento e discusion a bay completamente for di man, unda cu e chauffeur den su rabia sea a perde control o a manda e Van intencionalmente ariba e Toyota Agya.
E impacto tawata asina fuerte cu te hasta e Van a kibra y keda benta memey caminda, cu hende herida y pega den dje. Pero nan no tawata grave.
Lastimamente e chauffeur hoben den e Toyota Agya no tawata tin e mesun suerte y a resulta gravemente herida. Den e Toyota Agya tawata tin un dama tambe cu a sali ok di e accidente.
Un accidente frontal cu a laga chauffeur di e Toyota cu multiple fractura y sla serio na cabes.
Paramediconan na yegada mesora a logra sake for di auto stabilise y transporte cu urgencia pa Hospital.
Despues di basta minuut Bomberonan a logra libera tur hende.
Caminda a wordo cera ambos banda.
Specialistanan di trafico y tambe hefenan halto di Cuerpo Policial tambe a yega na e sitio.
Na e sitio nos por a mira Abogado Chris Lejuez y su esposa, debi cu e chauffeur den Toyota Agya ta nan nieto y mesora cu nan a tende di e accidente a sali direccion Saliña Cerca.
Pues pa conclui, aki ta trata di un accidente cu no mester a pasa si e chauffeur di e Van no a tawata discuti ariba caminda, y esaki a causa cu sea e la perde control o a manda e auto intencionalmente ariba e Toyota Agya.
Investigacion lo tin di bay determina esaki y den e area tin hopi cas cu tin Video Cameras instala.