Seroe Patrishi: Diamars durante Toque de queda, algo despues di 10’or y mey di anochi, un patruya di polis ta nota un Toyota Yaris coriendo riba Watty Vos Boulevard.
Mesora polis a dune un señal pa e para e auto, pero e chauffeur na prome instante a ignora esaki, mesora e agentenan den e patruya a pidi pa refuerso y a cuminsa un persecusion.
E persecusion a caba hopi lihe, pasobra manera e auto a subi e paperclip rotonde y a tuma e caminda pa bay direccion di Paradera, algun meter pariba di e rotonde, e chauffeur lo a pense bon y a para e auto na banda di caminda.
Varios unidad di polis a yega na e sitio y mesora a detene e chauffeur masculino di e Toyota Yaris. E detencion ta pa dos motibo, pasobra e tabata riba caya durante Toque de queda y tambe cu e no a respeta e señal cu polis a dun’e pa e para.
E chauffeur aki tambe a wordo transporta pa Warda di polis.
