Esaki ta e di tres dama cu a keda deteni diamars anochi pa no ta respeta Toque de queda

Victor de Grootstraat: Diamars algo despues di 10’or di anochi, na momento cu tur unidad di polis ta riba caya ta patruyando, un patruya di Oranjestad a bin topa den Victor de Grootstraat un dama riba caminda.

Mesora nan a bay atende cu ne y a deten’e pa motibo cu e no tabata respetando Toque de queda.
E dama a wordo transporta cu e transportwagen di CEA pa warda di polis.

Esaki ta e di tres dama cu a keda deteni Diamars anochi, tur tres tabata pa motibo di no ta respeta e regla di Toque de queda, cu ta simpelmente keda paden di bo cas, entre 9’or di anochi pa 6’or di mainta.